Департамент басшысы А.А. Сұрағанова Айыртау аудандық білім бөлімінің әдістемелік кабинетінің қызметкерлері, аудандық кәсіподақ төрағасы және аудан орталығында орналасқан білім мекемелерінің директорлары мен педагогикалық әдеп жөніндегі кеңестің төрағаларымен кездесті. Кездесу барысында мемлекеттік аттестаттау Ережелері түсіндірілді. Мұғалімдердің аттестациядан өту Ережелеріне қосылған соңғы өзгерістер туралы, мектеп басшыларының ротациясы бойынша ақпарат берілді. Сонымен қатар, СҚО білім беру ұйымдары педагогтерінің құқықтарын қорғау және педагогтік әдеп мәселелері жөніндегі Консультативтік-кеңесші органының (ККО) құрылу мақсат-міндеттерімен әңгімелесу жұмыстары жүргізілді. «Педагог мәртебесі туралы» Қазақстан Республикасы Заңының нормалары мен педагогтік әдеп ережелерін сақтауды қамтамасыз ету туралы, педагогтік әдеп нормаларын бұзудың алдын алу және алдын алуға бағытталған ұсынымдар жасалды. Кездесу соңында әріптестердің сауалдарына жауап берілді.
Жаңалықты мекеменің сайтында қарау
